Поради густата магла сообраќајот во главниот град е отежнат. На главните булевари создадени се долги колони возила, а на некои крстосници има застои, па возилата чекаат по неколку пати земен сигнал на семафорите. Тоа создава нервоза, зашто многу граѓани не можат да стигнат навреме на работните места.
На главните крстосници ретко има сообраќајна полиција да го преземе регулирањето на сообраќајот.
Надвор од Скопје сообраќајот на државните патишта во земјава се одвива во зимски услови, по наместа влажни коловози. Намалена видливост до 100м. поради магла има на патниот правец Скопје-Демир Капија. Одрони се забалежани на делниците Катланово – Велес, Маврово – Дебар – Струга, Виница – Берово и Кочани – Делчево.
