Кон крајот на минатата недела, палестинскиот новинар Јусеф Алхелу објави на социјалната мрежа TikTok збирка видеа на кои се гледа како изгледал животот во северна Газа пред нападот на Хамас врз Израел на 7 октомври, пренесува Daily Mail.
Едно видео покажува како млади и стари пливаат во Средоземното Море и играат на плажите, додека други прикажуваат фудбалски натпревари, купуваат овошје на пазари на отворено и ловат риба.
По споменатиот напад на своја територија, во кој беа убиени приближно 1.200 Израелци, Израел почна да ја бомбардира Газа. Палестинската воено-политичка организација Хамас, која е на власт во Газа, соопшти дека во тие бомбардирања загинале речиси 15.000 луѓе, главно цивили.
Повеќе од 39.000 корисници го следат Јусеф Алхелу на TikTok, а новинската агенција Ројтерс на својата веб-страница напиша дека Палестинецот работи како новинар од 2007 година и дека соработувал со бројни локални и меѓународни медиумски куќи, вклучително и британската национална јавна телевизија BBC . Ројтерс додаде дека Алхелу е еден од најпознатите новинари во Газа и покрива уметност, спорт и хуманитарни прашања.
Како што пренесува Јутарњи, Палестинецот со години ги следи конфликтите на Блискиот Исток, а известувал за војната во Газа што се случи на крајот на 2008 и почетокот на 2009 година и за израелската операција во Газа што се случи во ноември 2012 година. .
Алхелу управува и со профилот на Gaza TV News на социјалната мрежа Фејсбук, кој го следат 396 илјади корисници.
