Подморницата „Титан“ нема веќе кислород, според проценките на американската крајбрежна стража. Истекоа 96-те часа, односно залихите за четири дена. Во меѓувреме Француски истражувачки брод го испрати својот робот „Виктор 6000“ на дното на Атлантикот.
Канадскиот брод Хоризон Арктик, исто така, го распореди својот подводен уред со далечински управувач „кој стигна до дното на океанот и започна потрага по исчезнатата подморница“, соопшти крајбрежната стража.
Би-Би-Си пренесува дека капетанот, кој ја водеше потрагата, изјави дека не знае каде би можел да се наоѓа пловниот објект.
Некои експерти сметаат дека заглавените патници во подморницата уште можат преживеат ако имале хипотермија и притоа дишеле помалку со што се отвора можноста да останал кислород. Сепак, теоретската граница од 96 часа за залихите е надмината.
