На првиот ден од астрономската зима во Босна и Херцеговина се очекува нестабилно време со слаб дожд во пониските предели и снег и лапавица во планинските предели, соопшти Федералниот хидрометеоролошки завод (ФХМЗ) на БиХ.
Од сабота се очекува стабилно време со многу облачност. Само во Херцеговина е можно да врне слаб дожд во утринските часови. Во недела во Босна претежно облачно со утринска магла.
Минималните температури на воздухот ќе се движат од два до осум Целзиусови степени во Босна, на подрачјето на Херцеговина од шест до десет. Највисоките дневни температури се движат од девет до 14 степени во Босна и до 17 на југот од земјата.
За почетокот на наредната недела (25 декември) се предвидува стабилно и претежно сончево време. По котлините забележлива е магла, а во градските средини смог.
Стабилно и суво според достапните синоптички материјали ќе остане во текот на целата недела.
Од среда (27 декември) се очекува поголема облачност која претежно или целосно ќе го покрие небото. Во ноќта од недела кон понеделник (31 декември – 1 јануари) се прогнозираат врнежи од дожд.
Температурите на воздухот се над нормалата за овој период од годината. Мраз е можна само на повисоките места.
