Инспирирани од секојдневните случувања во земјава и во странство, но и од политичката состојба, вевчанци денеска ги подготвија маските и традиционално, го почнаа дефилето под маски.
Со многу политика и исто толку смеа, се коментираа настаните кои ја одбележаа минатата година.
Неизбежни беа и маските за економската криза.
Вевчанци со карневалот ја слават Стара Нова година, a со маските и со ритуалите се обидуваат да го избркаат злото.
Пишаните извори сведочат дека Вевчанскиот карневал е стар најмалку 1.500 години. Денес карневалот е интересно и необично преплетување на паганските со христијанските обичаи. Карневалот завршува утре со последното василичарско оро и со ритуалното палење на маските.
