Пејачот Никола Николиќ – Џони почина на 51-годишна возраст, а од него се простуваат неговите блиски.
Имено, тажната вест за смртта на пејачот беше објавена на Инстаграм.
„Многу тажна вест. Нашиот Никола Николиќ – Џони нè остави. Ужице и Србија останаа без голем музичар и уметник, но пред сè добар човек. Искрено сочувство до семејството. Ужице тагува“, пишува во објавата.
Џони беше пејач и мултиинструменталист, композитор и текстописец. Роден на 19.12.1973 во Ужице. Со поп-рок музиката се занимава повеќе од 20 години.
Беше препознатлив по моќниот глас, а покрај талентот за пеење, важеше и за еден од најталентираните музичари на домашната сцена.
