Австрискиот актер Хелмут Бергер, ѕвезда во текот на шеесеттите и седумдесеттите години кој се прослави во филмовите на италијанскиот режисер Лукино Висконти, почина денеска на 78-годишна возраст, објави неговиот агент, а пренесе „Еј-би-си њуз“.
Бергер е роден во Бад Ишл, Австрија на 29 мај 1944 година. Работел како статист во Рим пред да биде откриен од Висконти, а подоцна станал негов партнер. Висконти му ја дал првата улога во 1966 година.
Бергер имаше истакнати улоги во филмовите на Висконти „Самрак на боговите“, „Лудвиг“, „Затворениот семеен круг“, како и во „Градината на Финци-Контини“ на Виторио де Сика, во „Доријан Греј“ на Масимо Даламан и подоцна во „Кум 3“ од Френсис Форд Копола.
Тој глумеше во бројни значајни продукции со филмски легенди како Роми Шнајдер, Елизабет Тејлор, Хенри Фонда и Бурт Ланкастер.
Откако се разболе, Бергер објави крај на својата актерска кариера во ноември 2019 година.
ФОТО: Инстаграм/Јутјуб
