Американскиот рапер Кулио, со вистинско име Артис Леон Ајви Џуниор, според информациите објавени од TMZ, починал во Лос Анџелес.
Веста ја потврди неговиот менаџер, но се уште не е познато што точно се случило. Би-би-си објави дека телото на пејачот било пронајдено во бањата на куќата на неговиот пријател. Според првичните информации, се верува дека му откажало срцето. Имаше 59 години.
Почна да се занимава со музика во 80-тите, но неговото место во музичката историја го обезбеди хитот од 1995 година – Gangsta’s Paradise, дел од саундтракот за филмот Опасни мисли со Мишел Фајфер во главната улога и за кој доби Греми за најдобра соло рап изведба. . За оваа награда беше номиниран уште пет пати.
