Советот на општина Тирана на денешната седница донесе одлука со која за почесен граѓанин го прогласи претседателот на Демократската унија за интеграција, Али Ахмети, јавија медиумите.
– На предлог на градоначалникот Ерион Велиај, Советот на општина Тирана денеска едногласно одлучи да му додели титула „Почесен граѓанин“ на албанскиот политичар Али Ахмети, во знак на благодарност за целиот негов придонес кон албанската заедница во Македонија – јавија медиумите.
Титулата почесен граѓанин се очекува да му биде врачена на Ахмети на 2 мај, од страна на Велиај.
Претходно, Ахмети беше прогласен за почесен граѓанин во косовскиот град Призрен.
