Пловечки град: „Оваа jHouses и другите згради кои ќе го формираат новиот град се градат во бродоградилиште приспособено за оваа намена. Сите згради потоа се влечат до местото каде што расте новиот град, а за морското дно се прицврстени со специјални телескопски челични „стапови“. Тие им овозможуваат на зградите да им пркосат на брановите и само малку да се нишаат со морето. „При планирањето на градот ги земавме предвид најстрогите стандарди во однос на заштитата на животната средина. Една од многу важните цели на градежништвото е да се промовира растот на коралите“, нагласи Олтуис.
Градот ќе биде самодоволен
Градот исто така ќе биде самодоволен, јавува Си-Ен-Ен. Струјата ќе се напојува од сонцето, целиот отпад ќе се рециклира и повторно ќе се користи, канализацијата ќе се користи за вештачко ѓубриво, а во градот на „надежта“ нема да има клима уред, туку ќе се пумпа вода од морето за да се разладат домовите.
Малдивите се една од земјите во светот најмногу изложени на климатски промени. Осумдесет проценти од територијата на државата е помалку од еден метар надморска височина, а бидејќи се очекува нивото да се искачи на еден метар до крајот на векот, речиси целата земја би можела да биде потопена. Половина милион луѓе живеат на Малдивите, а Светската банка предупреди пред неколку години дека островите ќе исчезнат до 2100 година – веројатно поради брзиот пораст на нивото на водата уште порано.
