Премиерот на Хрватска Андреј Пленковиќ се обрати по состанокот на врвот на Хрватската демократска заедница (ХДЗ).
На почетокот рече дека се задоволни бидејќи нашле нов министер и обезбедиле пакет мерки за помош на граѓаните, пренесува хрватски Индекс.
– Дојде до голема бегалска криза, таа ќе расте. 2,7 милиони Украинци веќе ги напуштија своите домови. До денес, 6.300 Украинци дојдоа во Хрватска – рече Пленковиќ.
Тој додаде дека 40 отсто од пристигнатите се деца.
– Разговаравме и за најсериозниот проблем, падот на дронот или ракетата. Денеска одржавме состанок со сите надлежни органи – рече хрватскиот премиер Андреј Пленковиќ.
– Точно, на леталото имаше бомба. Имаше експлозив – рече тој.
Но, тој вели дека недостасува цела низа важни информации. Засега не се знае кој, зошто и како ја испратил бомбата.
– Французите изразија подготвеност да ни помогнат – рече Пленковиќ.
– Утре ќе го потсетам тој француски носач на авиони што е во Јадранското Море, во близина на Дубровник. Разговараме и со Соединетите Држави, да видиме како можат тие да ни помогнат – рече тој.
Тој додаде дека и Министерството за одбрана ќе даде свој план како да се зајакне одбраната.
