Пијан патник се обидел да упадне во пилотската кабина на авион Изи Џет на височина од 10.000 метри, тврдејќи дека пилотот бил „неук“ и дека може подобро да пилотира, но екипажот и патниците успеале да го совладаат.
Авионот што полета од лондонскиот аеродром Гетвик кон грчкиот остров Кос мораше принудно да слета во Минхен.
Патниците и персоналот кои се бореле со него го собориле на подот, а потоа добиле аплауз од преплашените патници, пишува весникот Сан.
При слетувањето во Минхен го пречекала германската полиција и го уапсила, а патниците спиеле во хотели.
Од EasyJet изјавија дека ваквите инциденти се ретки и дека не толерираат несоодветно или заканувачко однесување.
