Конзумирањето мали количини алкохол понекогаш може да има позитивни здравствени ефекти. Многу од најстарите луѓе ширум светот редовно пијат барем една чаша црвено вино.
Но, иако малите или умерените количини на алкохол можат да бидат безопасни за повеќето, сепак има несакани ефекти од пиењето кои се појавуваат или се интензивираат со возраста.
Зголемување на телесната тежина
Вообичаен несакан ефект од консумирање премногу алкохол по 50-тата година е можно зголемување на телесната тежина.
„Како што старееме, нашиот метаболизам за жал се забавува. Бидејќи алкохолот содржи калории, конзумирањето количини како што сте ги земале кога сте биле помлади всушност може да предизвикаат зголемување на телесната тежина“, вели диететичарот Ејми Гудсон.
Зголемени триглицериди
Конзумирањето поголеми количини алкохол не само што може да ги зголеми шансите за зголемување на телесната тежина, туку може да влијае и на здравјето на вашето срце.
„Иако умереното консумирање, еден пијалок дневно за жени и два пијалоци на ден за мажи, всушност може да има корист за здравјето на срцето со зголемување на вашиот HDL или добриот холестерол, пиењето премногу може да има спротивен ефект и да предизвика зголемување на триглицеридите“, тој вели Гудсон.
Дехидрација
Друг начин на кој алкохолот може да влијае на вашето здравје и времето за опоравување од вежбањето е дехидрација.
„Пијалаците како диуретици, а алкохолот е таков пијалок, може да го зголемат губењето на вода од телото, што доведува до дехидрација и го спречува обновувањето на мускулите кај активните возрасни лица, особено после тренинг“, вели диететичарот Ракел Фајн.
Го нарушува здравјето на цревата
Консумацијата на алкохол може да има негативен ефект врз цревата, особено ако се консумира редовно во големи количини.
„Иако некои истражувања покажуваат дека ниската до умерена консумација на црвено вино го стимулира растот на корисни бактерии, исто така е јасно дека вишокот алкохол негативно влијае на здравјето на цревата“, вели диететичарот Кетлин Меидмент.
Една статија објавена во списанието Alcohol Research and Health објави дека алкохолот во големи количини и неговите метаболити можат да го преплават гастроинтестиналниот тракт и црниот дроб и да предизвикаат оштетување. Алкохолот промовира воспаление во цревата, што доведува до прекумерен раст на патогени бактерии и зголемена интестинална пропустливост. Ова им овозможува на токсините да влезат во крвотокот, предизвикувајќи дополнително воспаление и други здравствени проблеми, пишува Eath This, Not That, пренесува Index.hr.
Го нарушува варењето и апсорпцијата на хранливи материи
Редовното консумирање алкохол во големи количини може негативно да влијае на варењето.
„Алкохолот ја нарушува способноста на телото правилно да ја разградува храната со тоа што го намалува лачењето на дигестивните ензими од панкреасот“, вели Маидмент.
