Најмалку пет спасувачи загинаа во акција откако тајфунот Нору го погоди северниот дел на Филипините.
Претседателот на Филипините Фердинанд Маркос Џуниор. нареди помош за областите погодени од тајфунот откако Нору ги погоди северните провинции и предизвика поплави.
Нору, најсилниот тајфун што земјата го видела оваа година, го погоди брегот на градот Бурдеос во провинцијата Кезон во неделата навечер.
Во Булакан, северно од главниот град Манила, петмина спасувачи загинаа додека се обидуваа да им помогнат на луѓето затрупани во поплавите, изјави гувернерот на провинцијата, пренесува Дојче веле.
Се вели дека спасувачите се удавиле откако биле погодени од урнат ѕид.
– Тие беа живи херои кои помогнаа да се спасат животите на нашите сонародници среде оваа несреќа – изјави гувернерот Даниел Фернандо за радио мрежата ДЗММ.
