Пет полицајци загинаа, а двајца се ранети во северозападен Пакистан во напад на нивното комбе.
Полицијата соопшти дека напаѓачите прво фрлиле бомба кон полициското комбе, а потоа пукале во полицајците.
Се уште никој не ја презел одговорноста за нападот.
Полициски службеници беа распоредени во областа Дера Исмаил Кан поради парламентарните избори што се одржуваат денеска.
Неколку илјади полицајци, како што се наведува, се распоредени за обезбедување на безбедноста низ земјата.
