Директорот на Канцеларијата на Владата на Србија за Косово и Метохија, Петар Петковиќ, изјави дека Србите не смеат да „напаѓаат на провокации“ и дека мора да ги почитуваат КФОР и ЕУЛЕКС кои се должни да ги заштитат.
„Релативно е мирно, но ситуацијата е напната до степен на вжареност поради (косовскиот премиер Аљбин) Курти, кој сака да се справи со српскиот народ на Косово и Метохија“, изјави Петковиќ за РТС.Тој повтори дека Србите подигнале барикади поради апсењето на поранешниот припадник на косовската полиција Дејан Пантиќ, нагласувајќи дека е уапсен невин човек, кој бил затворен „кој знае каде, без причина“.
„Станува збор за кршење на човековите права на Србите на Косово и Метохија. Србите на барикадите сакаат да го бранат Бриселскиот договор, бидејќи Курти не почитува ниту еден договор“, рече Петковиќ.
Србите се понижувани и секојдневно „го трпат насилството на Курти“, нагласи Петковиќ.
Не дај Боже војна, правиме се за да ги зачуваме мирот и стабилноста и не смееме да паднеме на провокации“, заклучи тој.
