Ќе има дипломатски одговор, во една или друга форма, на изјавата на руската амбасадорка во Бугарија, Елеонора Митрофанова, изјави премиерот Кирил Петков на брифинг во владината зграда во Софија. Toj мислеше на нејзиното интерјву за „Русија 24“ каде таа рече дека бугарскиот народ не ги поддржува реториката и постапките на бугарската Влада насочени против нејзината земја.
Според Петков, неприфатливо е, во кој било случај, странски амбасадор да зборува во име на бугарскиот народ против бугарската Влада.
Како што јави дописникот на МИА од Софија, Петков посочи дека одлуката за ова денеска е донесена на редовната седница на бугарската Влада, но не прецизираше за што точно ќе станува збор.
