На градилиште во германскиот град Хамбург најмалку пет работници загинале откако паднале од градежна платформа, објави портпаролот на противпожарната служба. Тој објасни дека скелето се срушило и предупреди дека неколку работници се уште се заробени под него. Во меѓувреме на местото на несреќата пристигнале 70 спасувачи, пренесува француската новинска агенција АФП.
„Пет работници загинаа на местото на несреќата. „Неколку луѓе се закопани под бината и се сметаат за исчезнати“, изјави портпаролот на противпожарната служба. Тој додаде дека на теренот има околу 70 спасувачи кои се обидуваат да им помогнат на затрупаните под урнатата бина. Според него, се уште не е јасно зошто се урнало скелето.
Несреќата се случила околу 10 часот на градилиштето Überseequartier во областа Хафен Сити во Хамбург, каде што се градат трговски центар, ресторани, канцеларии и хотели.
Според германскиот весник „Билд“, во моментот на несреќата работниците граделе шахта за лифт, а скелето паднало врз најмалку осум работници. Сите 700 работници веќе се евакуирани од градилиштето, пишува Билд.
Пет работници загинаа во несреќа на градилиште во Хамбург
