Манчестер Сити го совлада Лајпциг со 3:1 на гостински терен во второто коло од Лигата на шампионите иако играше во комбиниран тим.
Меѓу другите, шанса од првата минута доби 18-годишниот Рико Луис. Играше на средината на теренот заедно со Родри, а со својата игра го воодушеви Пеп Гвардиола.
„Каков играч. Неверојатно, извонредно. Има 18 години, а може да игра на четири-пет позиции, не се плаши, одличен е во одбраната. Јас сум тренер 15 години, тренирав неверојатни играчи, но ова е најдоброто со кое сум работел“, порача Гвардиола.
Луис е роден во Манчестер и израснал во младинската академија на Сити. Во ноември ќе наполни 19 години.
