Пензионерите од повеќе градови од земјава го почнаа најавениот протест во Скопје со барање за линеарно зголемување на пензиите и утврдување на минимална пензија не пониска од 20.000 денари.
Тие прво протестира пред седиштето на Сојузот на здруженија на пензионери каде што побараа оставка од раководството на Сојузот на здруженијата на пензионери, а потоа се упатија кон Министерството за труд и социјална политика каде што ќе бараат средба со министерката за труд и социјална политика Јованка Тренчевска.
На патот до Министерството за труд тие го исвиркаа Собранието и Министерството за финансии и извикуваа „оставка“, „оставка“.
Изминатиот период, пензионерите протестираа во своите градови, а денеска е протестот во Скопје.
Од Сојузот на здруженија на пензионери не се согласуваат со протестите, но информираа дека веќе поднеле предлози за утврдување на минимална пензија.
Минатата година беше донесена нова методологија за пресметка на пензиите согласно која сега во септември пензиите треба да се зголемат за 6%.
Albanian
English
Macedonian
Turkish
