Пејачката Наташа Беквалац била уловена пред Палатата на правдата во Белград, што предизвикало бројни шпекулации.
Иако многумина мислеле дека пејачката има судење, не било тоа во прашање. Наташа, како што објаснила нејзината соработничка, ја промашила зградата и всушност го барала влезот во полициската станица.
Наташа отишла да ја плати казната што ја добила, а за медиумите нејзиниот ПР-тим ја објаснил целата ситуација:
„Не беше на судење, ја промаши установата. Не требаше тука да дојде, немаше судење за ништо. Требаше да биде на друго место. Сè е во ред. Отиде во Савска во полиција да ја плати казната. Сега е на проба, па не може да зборува“, рекла соработничката на Наташа.
Да потсетиме, Наташа неодамна беше на суд и поради демначот кој неодамна беше осуден.
Неименуван маж бил прогласен за виновен во Вишиот суд во Белград за прогонување на популарната пејачка Наташа Беквалац и му било наредено психијатриско лекување во затвор. Повеќе од една година преку социјалната мрежа Фејсбук ѝ испраќал заканувачки пораки на Беквалац, барајќи да му плати за песните што тој тврди дека ѝ ги дал и кои станале хитови.
Заканите станале посериозни, вклучително и смртни закани, поради што пејачката го пријавила.
