Пејачката Бритни Спирс (41) ја обвини актерката Алиса Милано (50) за „злоставување“ откако актерката објавила твит кој ја навредил.
Ѕвездата на серијата „Charmed“ изразила загриженост за пејачката.
„Некој оди некој да ја провери Бритни Спирс“, напишала актерката на својот профил.
На пејачката тоа воопшто не ѝ се допаднало, па ѝ одговорила на Алиса.
„Ме растажува кога гледам дека ме коментира некој кој не ме познава. Ова дефинитивно изгледа како форма на малтретирање! Дами, треба да навиваме една за друга, а не да се „урнисуваме“ една со друга“, напишала пејачката на Инстаграм во кој го споделила твитот на актерката.
Бритни неодамна имаше проверка на страна од полицијата, откако обожавателите изразија загриженост за неа. Токму затоа пејачката вака реагирала, па ѝ возвратила на Алиса.
Откако пејачката ја прозва Алиса за твитот во кој актерката наводно се грижи за животот на Бритни, Алиса, како што пишува ТМЗ, приватно ѝ се извинила.
„Не, немам нервен слом. Никогаш не сум се чувствувала подобро“, им порачала Бритни неодамна на своите фанови кога исчезнала и се вратила на Инстаграм по којзнае кој пат.
