Баерн во сабота го има годишниот генерален состанок во Audi Dome во Минхен, а сите мораа да ја напуштат салата веднаш откако беше пријавена бомба.
Баварците на собранието потврдија дека Херберт Хајнер останува прв човек на клубот, а 20 минути по собранието беше пријавена бомба.
Салата веднаш била евакуирана, полицијата започнала истрага, а на крајот се испоставило дека дојавата за бомба е лажна.
„Знам дека полицијата е предупредена и ништо повеќе. Ова е навистина срамота. По еден ваков настан сакав да седнам со членовите на клубот и да пијам пиво. Сакав да разговарам со навивачите и да размениме идеи. Ова беше навистина грд крај“, рече Хајнер.
