Невремето во Франција не му одеше во прилог на „Колдплеј“ и љубителите на нивната музика.
Светски познатиот бенд „Колдплеј“ одржа концерт во Лион и покрај силниот дожд кој го поплави стадионот со неколку сантиметри вода.
На социјалната мрежа ТикТок се шират видеа од внатрешноста на салата на кои се гледа како водата била до глуждовите на обожавателите во некои делови од стадионот.
Обожавателите се обиделе да се заштитат од дождот на сите можни начини – кабаници, церади, пластични ќеси…
Но, ниту дождот не ги спречил да ги заземат позициите на стадионот и да уживаат во концертот. На крајот дождот престанал, но сè уште било полно со вода.
„Колдплеј“ настапија во Лион како дел од светската турнеја „Music of the Spheres“. Турнејата започна уште во март 2022 година.
