Испораките на гас преку Северен тек – главната рута за снабдување со руски гас во Европа – во понеделник би можеле да опаднат за 22 отсто, покажуваат податоците на операторот на гасоводот, Северен тек.
За понеделник беа резервирани 4,7 милиони кубни метри на час или нешто повеќе од 113 милиони кубни метри дневно, додека вчера обемот на испораки преку овој гасовод изнесуваше 145 милиони кубни метри. За споредба, нивото во мај беше за речиси 34 повисоко – околу 170 милиони кубни метри дневно.
Транспортот по вториот коридор – преку украинскиот систем за транспорт на гас – во понеделник би можел да остане на нивото од претходните денови, покажуваат податоците на украинскиот оператор за гас.
Европа продолжува да пумпа гас во подземни складишта. Според Гас Инфраструктура Европа (ГИЕ), на 11 јуни, просечната стапка на искористеност на европските складишта за гас беше 51,5 отсто, со вкупен волумен на гас од приближно 54,6 милијарди кубни метри.
