Цената на суровата нафта утрово на берзите падна на 79.630 долари, а на нафтата „брент“ на 81.802 долари. Паднаа и цените на златото и пченицата, а берзанските индекси се во пораст.
Утрово златото се купува по цена од 2.462,05 долари за унца, а на пченицата на 5,3141 долари за бушел.
На отворањето на берзата ТТФ се продаваа европски фјучерси на гас по цена од 39.550 евра за мегават-час.
Индексот DAX на Франкфуртската берза утрово порасна на 17.782,95 поени, британскиот FTSE 100 на 8.231,33 поени, францускиот CAC 40 на 7.275,88 поени, а московскиот MOEX на 2.867,54 поени.
Вредноста на американскиот берзански индекс Дау Џонс падна на 39.357,01 поени пред денешното отворање на берзата во Соединетите Американски Држави, додека индексот S&P 500 порасна на 5.344,59 поени, како и вредноста на индексот Nasdaq на 16.780,61 поени.
Вредноста на еврото во однос на доларот изнесуваше 1,09323, што е приближно исто како и вчера.
