Падна првиот снег во Србија, а според најавите на метеоролозите, не треба да се изненадиме ако во текот на неделава и кај нас побелат улиците.
На социјалните мрежи се појави видео од првите снегулки на Копаоник.
„Како и секоја година, првиот снег сезонава ги израдува сите искрени љубители на Копаоник и воопшто на скијањето. Сепак, тоа е само првиот снег, увертира за сето она што ќе следува подоцна во календарот и почетокот на самата скијачка сезона“, се вели во објавата на Инстаграм.
Вчера регионот го зафати студено време и снег падна во Словенија, Хрватска и Босна и Херцеговина.
