Цените на нафтата паднаа во вторникот, откако лошите економски показатели во Кина ја зголемија загриженоста за забавување на нејзината економија и падот на побарувачката за нафта во најголемиот светски увозник на енергетски производ.
Меѓународната референтна цена на нафтата „брент“ утринава изнесуваше 84,23 долари за барел откако цената падна за 0,73 отсто во однос на претходната трговска цена.
Американскиот репер West Texas Intermediate (WTI) се тргуваше за 80,22 долари за барел, откако падна за 0,77 отсто.
Бруто домашниот производ (БДП) на Кина порасна за 4,7 отсто во вториот квартал од 2024 година, што сè уште беше под пазарните очекувања, објави Државниот завод за статистика.
Кинеската економија порасна за 5,3 отсто во првиот квартал.
Минатата недела веќе беше забележан пад на увозот на нафта во Кина.
