Овошјето е неопходно за внес на витамини, минерали, антиоксиданси и растителни влакна.
Луѓето кои консумираат повеќе овошје го намалуваат ризикот од срцеви заболувања, мозочен удар и рак.
Австралиско истражување од 2021 година дури покажа дека оние кои јаделе најмалку две порции овошје дневно имале 36 отсто помал ризик од развој на дијабетес тип 2. Но, со толку многу овошје на располагање, што треба да изберете?
Десет видови овошје кои се издвојуваат како „природни суперѕвезди“:
Јаболка: Богати со влакна и пектин, јаболката помага во намалување на холестеролот и го поддржува здравјето на цревата.
Манго: Ова тропско овошје е богато со влакна, витамин Ц и витамин А и помага да се намали ризикот од рак.
Цреши: Преполни со антиоксиданси и антиинфламаторни соединенија, црешите го намалуваат воспалението и оксидативниот стрес.
Јагоди: Голема порција јагоди има малку јаглехидрати, што ги прави одличен избор за луѓето со дијабетес. Тие се исто така богати со антиоксиданси кои го поттикнуваат здравјето.
Боровинки: Боровинките се полни со антиоксиданси и помагаат да се зачува менталното сознание.
Суви сливи: Овие сливи се одлични за здравјето на коските и содржат влакна.
Банани: Лесни за јадење и богати со енергија, бананите се совршен избор за брз енергетски и нутритивен поттик.
Авокадо: Авокадото е богато со здрави масти и растителни влакна, што го промовира здравјето на цревата и срцето.
Малини: Богати со влакна и антиоксиданси, малините поддржуваат здрава телесна тежина и функционирање на цревата.
Лубеница: Ликопенот во лубеницата го намалува ризикот од рак и го подобрува здравјето на срцето. Кората од лубеницата е исто така јадлива и богата со растителни влакна.
Додавањето на овие плодови во вашата секојдневна исхрана може да го подобри вашето целокупно здравје и енергија. Не заборавајте дека разновидните овошја носат различни бенефиции, затоа потрудете се да вклучите што повеќе различни видови во вашата исхрана, пишува Eat This, пренесува N1 Sarajevo.
