Недостатокот на железо во крвта не е секогаш лесно да се препознае, главно поради многу суптилни симптоми кои луѓето често ги помешаат со некој друг здравствен проблем. Според клиниката Мајо, постојат неколку симптоми кои може да укажуваат на недостаток на овој минерал во нашето тело, а еден е особено невообичаен.
Станува збор за необјаснето отежнато дишење, односно проблеми со дишењето по извршување на било каква активност.
Како што објаснуваат лекарите, ако брзо и ненадејно ни останува без здив додека ги извршуваме секојдневните задачи како што се пешачење, домашна работа или вежбање, тоа може да значи дека на нашето тело му недостасува железо. Имено, железото е есенцијален минерал, одговорен за создавање на кислород кој му е потребен на организмот за нормално функционирање, а доколку немаме доволно, се јавуваат здравствени проблеми.
Како што пренесува Index.hr, други симптоми кои можат да бидат знак за недостаток на железо во крвта се хроничен замор, бледа кожа, болки во градите, ладни раце и нозе, намалена концентрација, кршливи нокти, намален апетит и болки во мускулите. Иако секој од овие симптоми не мора да значи недостаток на железо, лекарите предупредуваат дека ова се најчестите знаци за недостаток на овој важен минерал.
