Тие се неверојатно лековити, но не толку популарни како малините или боровинките.
Сите знаеме дека капините се вкусни и здрави, но некои истражувања покажаа дека тие имаат повеќекратни придобивки за човечкото тело.
По истражувањето, научниците заклучија дека капините му помагаат на човечкото тело на многу начини, од корисни како извор на витамини и минерали, до состојки кои помагаат во борбата против ракот.
Како што пишува Daily Mail, ова овошје го зајакнува имунитетот бидејќи содржи витамин Ц кој има неколку важни улоги. Капините имаат двојно повеќе од овој витамин од боровинките.
„Витаминот Ц е клучен за имунитетот и кардиоваскуларниот систем бидејќи го намалува крвниот притисок“, вели докторката Урсула Аренс. Таа потсети и дека витаминот Ц е важен и во лекувањето на анемија бидејќи ја подобрува апсорпцијата на железото.
Капините имаат повеќе влакна од повеќето други овошја. Ќе има околу осум грама влакна во грст капини, а само четири грама во 25 грама цели зрна, како што се препорачува дневно. Покрај тоа што се добри за варење и одржување на тежината, влакната помагаат во намалување и одржување на холестеролот.
Капините содржат и танини, кои го намалуваат крварењето во случај на полесни повреди, изјави докторката Сара Вилсон, вработена во лондонската болница „Принцес Грејс“.
Таа додаде дека во традиционалната медицина се користат лапа од капини за побрзо зараснување на раните. Кога танините ќе дојдат во контакт со раната, тие му помагаат на ткивото побрзо да зарасне.
Боровинките содржат антиоксиданси кои содржат антоцијани кои го забавуваат растот на канцерогените клетки. И другите видови црвено овошје и зеленчук содржат антоцијани, но капините, според последните истражувања, ги имаат во многу поголем процент.
Тие исто така содржат антитело C3G, кое помага во борбата против ракот на кожата и хранопроводникот“, објасни Аренс.
Со две шаки капини дневно ќе ја внесете потребната доза манган во организмот. Тој е еден од минералите кои се потребни за поцврсти и поздрави коски. Добрата вест е што имаат само 43 калории, пренесува Zafodna.rs.
Капините содржат и витамин Б9, познат како фолна киселина. Заедно со витаминот Б12 е неопходен во создавањето на нови крвни зрнца. Фолната киселина често се препорачува на бремени жени, бидејќи ги спречува дефектите на невралната туба во ембрионот.
Капините имаат и лутеин, кој е добар за заштита на очите бидејќи може да спречи оштетување предизвикано од ултравиолетовите зраци.
