Откажана е средбата меѓу премиерот на Црна Гора Милојко Спајиќ и претседателот на Бугарија Румен Радев.
Владата на Црна Гора соопшти дека договорената средба меѓу Спајиќ и претседателот на Бугарија во зградата на Владата доцнела, поради што делегацијата предводена од Радев ја напуштила зградата по четири минути чекање.
– Со Амбасадата на Бугарија беше договорено средбата да се одржи во приемната сала во Владата во 17 часот, бидејќи премиерот Милојко Спајиќ имаше голема желба да се сретне со претседателот Радев и покрај набиената агенда. Претходната средба на премиерот со најголемата туристичка компанија, германската ТУИ, траела три минути подолго од планираното, а делегацијата на претседателот на Бугарија Румен Радев ја напуштила зградата на Владата по четири минути чекање – изјавија за „Вијести“ од Владата.
Од Владата дополнително за „Вијести“ објасниле дека средбата требало да се одржи во истата прифатна сала каде што се одржала средбата со претставниците на ТУИ и дека причината за нејзиното одложување е тоа што просторот морал да се подготви за нова средба.
Домаќин на посетата на претседателот на Бугарија е претседателот на Црна Гора, Јаков Милатовиќ.
