Традиционалнотоистражување на Галуп интернешенел „Крај на годината“, кое во РС Македонија го спровела БРИМА во периодот од 1 до 22 декември со анкетирање лице-в-лице на 1.203 испитаници, покажува дека секој петти од анкетираните, смета дека 2024-та ќе биде подобра од годинава која изминува.
Дури 34% сметаат дека ќе биде полоша (светскиот просек е 26%), а 40 проценти дека ќе биде иста како годинава (светскиот просек е 28%).
На прашањето „Во споредба со оваа година, според вас, дали следната година ќе биде година на економски просперитет, економски потешкотии или ќе остане иста за нашата земја?“, испитаниците во земјава и по ова прашање покажуваат видлив песимизам и се под светскиот просек:
42% сметаат дека 2024 ќе биде година со економски потешкотии (светскиот просек е 39%), a
35% дека ќе биде иста како 2023 година (светскиот просек е 29%).
