Германскиот канцелар Олаф Шолц за време на посетата на САД го сретна својот „двојник“, американскиот сенатор Крис Кунс.
Сличноста меѓу германскиот канцелар и американскиот сенатор е неверојатна и нивната заедничка фотографија брзо стана хит на социјалните мрежи.
„Одлично е што повторно се видов со мојот двојник“ – напиша германскиот канцелар во објавата.
Кристофер Ендру Кунс (61) е американски адвокат и политичар кој од 2010 година е помлад сенатор на Соединетите Држави од сојузната држава Делавер. Кунс кој е пет години помлад од Шолц, сега е претставник на Демократската партија, иако во политиката влегува работејќи за републикански политичари. Како 17-годишник во 1980 година, тој самостојно водеше кампања за претседателската трка на Роналд Реган. Тој исто така, работеше и на кампањата на Бил Рот за американскиот Сенат во 1982 година.
Подоцна додека студира на колеџ, Кунс се префрла од републиканец во демократ и во 1988 година ја води сенаторската кампања на демократскиот сенатор од Делавер, Шиен Биау Ву. Од 2010 година тој е претставник на Демократската партија во Сенатот на САД.
