Речиси 30.000 луѓе го напуштиле Нагорно-Карабах во Ерменија досега, што е четвртина од населението на енклавата што Азербејџан ја зазеде минатата недела, јавува Би-Би-Си.
На еден од патиштата што водат кон Ерменија, дестинацијата на оние што заминуваат, се формирала колона од стотици автомобили.
Азербејџан вели дека жителите ќе бидат безбедни, но ерменскиот премиер тврди дека „етничкото чистење“ започнало.
Нагорно-Карабах, признаен како дел од Азербејџан, е управуван од етнички Ерменци веќе три децении, јавува Би-Би-Си.
До последниот конфликт минатата недела, кој брзо заврши, таму живееле околу 120.000 Ерменци.
Најмалку 200 Ерменци и десетици азербејџански војници беа убиени во напад на азербејџанската армија минатата недела.
Како дел од договорот за прекин на огнот, ерменските сепаратисти се согласија да го предадат оружјето.
Азербејџанците рекоа дека сакаат да ги третираат Ерменците како рамноправни сограѓани, но многумина меѓу нив решија да заминат.
