Српскиот тенисер Новак Ѓоковиќ се пласираше во финалето на АТП турнирите од серијата 500 во Астани, бидејќи Русинот Данил Медведев му се предаде при резултат 1:1 во сетови (4:6, 7:6).
Ништо не навестуваше таков шокантен епилог. Двајцата тенисери одиграа два одлични сета, а веднаш по тај брејкот од вториот сет Русинот му пријде на Новак, му честиташе и го предаде мечот.
Во првиот сет Ѓоковиќ имаше големи проблеми со својот сервис. Уфрлени се само 52% од првите сервиси, што направи голем притисок на форхендот. Резултатот беа два брејка кои ги направи Медведев, користејќи ги двете брејк топки. Ѓоковиќ успеа да го врати првиот брејк за 3:3, но кога го загуби следниот сервис, немаше враќање и Русинот поведе со 1:0.
Новак сервираше подобро во вториот сет, но ниту Медведев не го намали нивото на сервисирање. Само една брејк топка ја имаше Ѓоковиќ, но не успеа да ја искористи. Требаше да одлучи тај брејкот. Се започна со мини брејк на Медведев, а потоа Ѓоковиќ одговори со четири врзани поени. Сепак, Медо се врати, дојде до 5:5, но на крајот Србинот го доби тај брејкот со 8:6, испадна да се пласира во новото финале.
За Ѓоковиќ ова е 128. АТП финале, а ќе ја брка својата 90. титула. А ривал ќе му биде Стефанос Циципас, со кого играше четири финалиња и ги доби сите четири.
