На вчерашната седница на косовската влада беше донесена одлука за укинување на визите за граѓаните на Босна и Херцеговина.
„Владата вчера одлучи еднострано да го спроведе договорот за слобода на движење со лични карти како дел од берлинскиот процес. Оваа одлука ќе стапи на сила на 1 јануари 2025 година и ќе овозможи безвизно патување за Косово за граѓаните на Босна и Херцеговина“, напиша косовскиот премиер Албин Курти на социјалната мрежа Х.
Тој додаде дека оваа одлука дополнително ќе ги зајакне односите меѓу Босна и Херцеговина и Косово.
„Како што споменав минатата недела во Сараево, нашето пријателство е ограничено долго време поради ограничувањата на слободата на движење. Ја повикуваме Босна и Херцеговина брзо да го ратификува договорот од своја страна, обезбедувајќи взаемна корист за нашите граѓани“, рече Курти.
