Како одговор на неодамнешното усвојување на нацрт-амандманите на Кривичниот законик на Република Српска, Канцеларијата на ОБСЕ за демократски институции и човекови права (ОДИХИР) изрази загриженост за нивната компатибилност со правото на слобода на изразување.
Во новообјавената анализа, побарана од Мисијата на ОБСЕ во Босна и Херцеговина, ОДИХР наведува: „Правото на слобода на изразување е човеково право од клучно значење за функционална демократска држава и за остварување на другите човекови права и основни слободи“. Целосното уживање на ова право е еден од основите на слободно, демократско, толерантно и плуралистичко општество, во кое поединци и групи со различни припадности и убедувања можат да ги изразат своите мислења и да постигнат видливост на маргинализираните или недоволно застапените категории“.
„Имајќи го предвид негативното влијание што законите за клевета можат да го имаат врз слободата на изразување, меѓународните тела за човекови права заедно со претставникот на ОБСЕ за слобода на медиумите ги повикаа државите да ги укинат сите закони за клевета во рамките на кривичното право. понатаму се наведува во оваа правна анализа. „Правото на заштита на угледот е дефинирано како основно право и како такво е заштитено со меѓународното право, а може да биде повредено со клевета. Во исто време, законите за клевета може да имаат крајно негативен ефект врз уживањето на правото на слобода на изразување. Затоа е важно законите за клевета да се формулираат на начин што ќе ја спречи потенцијалната злоупотреба од страна на јавните власти и, во исто време, ќе го почитува принципот на пропорционалност“.
ОДИХР ги повикува властите да не продолжат со усвојување на одредби кои имаат за цел криминализирање на „навредите“ и „клеветите“ во Република Српска. Во својата анализа Канцеларијата предлага да се разгледаат голем број можни алтернативи, притоа да се осигури дека тие се внимателно дизајнирани за да се исклучат произволните апликации или злоупотреби од функционери и институции и дека се целосно усогласени со сите меѓународни стандарди за човекови права, соопшти ОБСЕ. И.
