Светската здравствена организација (СЗО) денеска препорача луѓето кои се позитивни на корона вирусот и имаат симптоми на Ковид-19 да се самоизолираат 10 дена, додека петдневна самоизолација се препорачува за оние кои се заразени, но не имаат симптоми.
„Условната препорака е 10 дена за оние кои имаат симптоми поради инфекција со корона вирусот и пет дена за лица со асимптоматска инфекција“, се наведува во ажурираните препораки на СЗО.
СЗО, исто така, предлага употреба на брзи антигенски тестови за да се намали периодот на самоизолација, како и укинување на мерките на претпазливост засновани на пренесување на вирусот и ослободување од третман врз основа на ажурирани упатства.
Според најновите податоци на СЗО, од почетокот на пандемијата до вчера, регистрирани се вкупно 660.746.894 случаи на заразени, со 6.692.538 смртни случаи од инфекција со корона вирусот во светот.
