На социјалните мрежи кружи видео кое наводно го прикажува уништувањето на британскиот тенк Челинџер 2 во Украина, што би било првпат еден од тие тенкови да биде уништен во борба.
Како што пишува Гардијан, видеото е направено од автомобил кој се обидува да избега од битката, а на видеото се гледа како Челинџер 2 обвиен во густ сив чад со своите препознатливи цевки. Од снимката не е јасно како дошло до уништувањето.
Иако аналитичарите потврдија дека се работи за британски тенк, не е јасно кога и каде точно е направена снимката, иако гласовите зборуваат (и пцујат) на украински.
Ниту еден Челинџер 2 не е изгубен во борба откако првпат беше распореден во 1994 година, иако еден од нив беше уништен во пријателски оган во Ирак во 2003 година, пишува Гардијан.
Велика Британија ѝ даде 14 тенкови на Украина на почетокот на оваа година, но до сега не се знаеше дали тие се користени во борбите на првата линија.
