Истражувачите открија дека нема вистина во препораката која многумина често ја истакнуваат: Дека треба да појадувате сами, да го делите ручекот со некого и да ја прескокнете вечерата.Шкотските научници открија дека нашиот метаболизам согорува исто количество калории што ги внесуваме во секое време од денот.Ова правило нема да ви помогне да го согорите вишокот маснотии и да изгубите тежина. Единствената придобивка од јадењето повеќе наутро е тоа што ќе бидете помалку гладни подоцна во текот на денот, што може да значи дека помалку ќе посегнувате по грицките, велат истражувачите во описот на нивните резултати од истражувањето објавени во научното списание Cell.
Студијата опфатила 16 мажи и 14 жени, кај кои истражувачите следеле што јадат во текот на четири недели, со цел да видат како распределбата на калориите влијае на нивната тежина.
Секој човек добивал иста здрава исхрана, но половина од нив морале да внесуваат најголем дел од нивните калории за време на појадокот, а другата половина на вечерата. По две недели, тие се префрлија, па луѓето кои јадеа најголем дел од нивните калории наутро, сега јадеа подоцна во текот на денот, и обратно.
Истражувачите од Универзитетот во Абердин откриле дека времето од денот кога испитаниците консумирале најмногу калории немало влијание на тоа колку килограми изгубиле. Секој субјект изгубил исто количество тежина во текот на тие четири недели, што покажува дека нивниот метаболизам согорувал исто количество енергија наутро како и навечер.
Водечката авторка на студијата, професорката Александра Џонстон, нагласила дека учесниците чувствувале дека нивниот апетит е „подобро контролиран“ во деновите кога јаделе поголем појадок и дека „се чувствуваат сити во остатокот од денот“.
„Тоа би можело да биде многу корисно во пракса и треба да се спроведат уште некои студии во пракса, но ќе биде тешко да се одреди како функционира овој механизам“, вели таа и додава дека нема да има една диета која одговара на секого. Тоа е процес кој е индивидуален, само што за сите е исто што би требало да постигнат калориски дефицит, односно да внесуваат помалку калории отколку што внесуваат во текот на денот.
Сè што јадете и пиете додава калории во вашето тело. Користи калории за одржување на органите, здравото ткиво, дишењето, отчукувањата на срцето и секое движење што го правите. Затоа мораме да се погрижиме и понатаму да внесуваме доволно калории за одржување на здравјето на организмот, пренесува 24 sata.hr.
