Њујорк ќе биде домаќин на финалето на Светското првенство во фудбал кое ќе се одржи од 11 јуни до 19 јули 2026 година во САД, Канада и во Мексико.
Тоа ќе биде прво Светско првенство со 48 репрезентации, што е за 16 повеќе од досегашните 32.
Мундијалот ќе се игра во вкупно 16 градови, од кои 11 американски: Сиетл, Сан Франциско, Лос Анџелес, Канзас Сити, Далас, Хјустон, Атланта, Бостон, Њујорк Сити, Филаделфија, Мајами, три мексикански: Гвадалахара, Монтереј, Мексико Сити и во два канадски града: Ванкувер и Торонто.
Отворањето на Мундијалот е на 11 јуни 2026 година на Естадио Ацтека во Мексико Сити, додека финалето е на 19 јули на Метлајф стадионот во Њујорк.
Европа ќе има 16 претставници на СП, Африка 9, Азија 8, Јужна Америка 6, Конкакаф 3 + 3 (домаќин), Океанија 1, а уште 2 репрезентации ќе се пласираат преку плејоф.
