Специјалното обвинителство во Приштина поднесе обвинителен акт против Ц.А. кој е обвинет за воени злосторства врз цивилното население на територијата на Косово во првата половина на 1999 година, пренесува KoSSev.
Според КоССев, тој е обвинет дека во периодот од јануари до мај 1999 година соработувал со криминални лица (засега неидентификувани) „организирани во полициски, паравоени и воени униформи, извршиле кривично дело воено злосторство против цивилното население“.
Во соопштението на обвинителството не е наведена националноста на човекот против кого денеска е поднесено ова обвинение.
Специјалното обвинителство предложило судењето пред Основниот суд во Приштина да започне во отсуство на осомничениот, бидејќи, според Обвинителството, сите напори за негово пронаоѓање се исцрпени.
КоССев потсетува дека пред два дена косовското правосудство го поднесе првото обвинение за воени злосторства во отсуство на обвинетиот Д.Р., кој, како што прецизираше тогашното обвинителство, за време на војната бил резервист на Војската на Србија.
Тој е обвинет за сексуално насилство за време на војната во Косово.
