Богатството на новата генерација милијардери претежно се заснова на наследство, а не на работа и претприемништво, се вели во извештајот на швајцарската банка UBS.
Во Извештајот се наведува дека 1.000 милијардери ќе префрлат 5,2 трилиони долари на своите деца во следните 20 до 30 години.
Од 137 луѓе кои годинава станале милијардери, 53 наследиле вкупно 150,8 милијарди долари од нивните семејства.
Банката соопшти дека е прв пат во деветгодишната историја на нејзиниот годишен извештај за богатството на најбогатите 0,00004 отсто од општеството „следната генерација милијардери да акумулира повеќе богатство преку наследство отколку преку претприемништво“.
Подемот на семејствата кои своето богатство го засноваат на наследство е забележлив во сите делови на светот.
Во Азија просечното богатство на наследниците беше 2 милијарди долари во споредба со 1,6 милијарди долари за претприемачите, додека во Америка, вредноста на новосоздадените милионери наследници беше 2,2 милијарди долари наспроти 1,5 милијарди долари за претприемачите.
Во Европа, Блискиот Исток и Африка, просечното богатство на наследниците од 4,4 милијарди долари е двојно повеќе од 2,2 милијарди долари на само-направени претприемачи.
„Зголемувањето на бројот на наследници милијардери е последица на бумот на претприемничката активност од 1990 година, што ги постави темелите за идните генерации“, се објаснува во извештајот.
