Малопродажните цени на бензините и на дизелот од ноќеска на полноќ се намалуваат за половина денар по литар, а екстра лесното масло за домаќинство поевтинува за еден денар, одлучи денеска Регулаторната комисија за енергетика(РКЕ).
Со одлуката, како што соопштија регулаторите, се врши намалување на малопродажните цени на нафтените деривати во просек за 0,29%.
Новата малопродажна цена на „еуросупер-95“ ќе изнесува 82 денари за литар, „еуросупер-98“ ќе се продава за 84 денари, дизелот за 73, а маслото за домаќинство за 72 денари за литар.
Со одлуката на РКЕ за 0,756 денари за килограм се зголемува малопродажната цена на Мазутот и ќе изнесува 43,209 денари.
