Шпанскиот град Кадакес го зафати силно невреме и падна толку многу дожд што поројот носеше се пред себе.
Силното невреме што во четвртокот го погоди Кадакес, град во провинцијата Жирона во Каталонија, предизвика нова поплава.
Дождот беше толку силен што создаде порој кој носеше се пред себе, а моќта на поројот најдобро се изразува со тоа што ги носеше автомобилите како да се од хартија.
Каталонската метеоролошка служба (Meteocat) посочи дека количината на дожд може да надмине 100 литри на метар квадратен.
„Обилниот дожд остави шокантни слики во Кадаке. Водата со таква сила се излеа по потокот на тој каталонски град што однесе вкупно 32 автомобили“, објасни градоначалничката на општината, Пиа Серињана. Многу од тие возила беа заглавени на мостот пред градското казино.
Корисниците споделија застрашувачки видеа на социјалните мрежи на кои се гледа како силата на водата се спушта и однесува дел од автомобилите во областа, пишува La Vanguardia.
