Антидепресиви на рецепт, апчиња против анксиозност, но и лек против хронична белодробна опструктивна болест биле пронајдени во луксузниот дом на актерот Метју Пери(55) чија ненадејна смрт ја разбранува светската јавност. Ниеден од лековите не бил нелегално земан. Истрагата за смртта е во тек и засега нема траги за кривично дело. Ќе се врши обдукција врз телото.
Брзата помош била испратена во неговиот дом во Лос Анџелес во саботата во 16:07 часот. Лекарите се обиделе да го спасат Пери додека уште бил во своето џакузи, но напорите да го оживеат биле неуспешни и тој бил прогласен за мртов на местото на настанот. Се шпекулира дека тој се удавил во џакузито по земање на опијати.
Исто така, полицијата потврди дека актерот не бил префрлен во болница. Подоцна било видено комбе на судска медицина како пристигнува на имотот.
Изворите рекоа дека Пери вчера одиграл двочасовна рунда со пикли. Набргу потоа, тој ја испратил својата асистентка да работи, а кога таа се вратила два часа подоцна, открила дека Пери „не реагира“ и се јавила на 911 – Брзата помош.
Плусинфо пишуваше за последните објави на Пери на Инстаграм меѓу кои и една на која се фотографирал себеси во џакузито пред шест дена.
Пери никогаш не се оженил, а го поврзуваат со четири жени од јавниот живот. Меѓу нив е и Џулија Робертс, познатата актерка, која, меѓудругото, гостуваше во серијата „Пријатели“. Пери почина токму на денот на нејзиниот роденден. Таа полни 56 години.
Во својата книга, Пери опиша како ѝ се додворувал на Јулија:
„Таа рече дека ќе прифати само ако биде во сцени со мене. Ѝ испратив триесетина рози и напишав: „единственото нешто повозбудливо од работата со тебе е тоа што конечно имај изговор да ти праќам цвеќе“. Таа ми одговори дека ќе се согласи само ако успеам да и објаснам квантна физика. Замислете! Се допишувам со жената за која е измислен карминот, а таа згора на тоа ме тера да учам“, опиша Пери на време.
