Украинскиот претседател Володимир Зеленски изјави во понеделникот дека руските сили ја започнале битката за Донбас, откако високи украински претставници објавија дека започнала новата офанзива на Москва во источна Украина.
„Сега можеме да кажеме дека руските сили ја започнаа битката за Донбас, за која се подготвуваа долго време“, рече Зеленски во видео обраќањето.
Шефот на кабинетот на украинскиот претседател во понеделникот изјави дека „втората фаза од војната е започната“, мислејќи на новиот руски напад на источна Украина, и ја повтори изјавата на висок украински безбедносни функционер кој рече дека Русија ја започна својата нова офанзива во понеделник наутро.
„Верувајте во нашата армија, таа е многу силна“, напиша началникот на Генералштабот Андриј Јермак во апликацијата за пораки Телеграм, уверувајќи ги Украинците дека украинските сили можат да се спротивстават на руската офанзива.
