Пристигна нов откачен тренд, за некои бизарен, а за некои ентузијастички тренд. Ги освои холивудските ѕвезди, а потоа и светот – „големите црвени чизми“ создадени од њујоршкиот уметнички колектив MSCH.
Тие се познати по нивната историја на исмејување на потрошувачката култура – и парадоксално, тие често имаат најпродавани парчиња. Сликите од црвените чизми, кои се очекува наскоро да бидат пуштени во продажба, се проширија на социјалните мрежи и ги шокираа луѓето со нивниот апсурден изглед – а познатите личности веќе шетаат во нив.
Претходните „проекти“ што ги смисли MSCH вклучуваат колонска вода што мириса на WD-40, како и папучи Birkenstock направени од чанти Hermes Birkin.
Најновите чизми на колективот се во форма на AirPod, тркалезни и мазни – „како пар MoonBoots исполнети со ботокс“. Тие повеќе личат на идејата за чевли отколку на самиот чевел, пишува NY Times.
„Големите црвени чизми навистина не се обликувани како стапала, но се екстремно обликувани како чизми“, се вели во соопштението на брендот.
MSCH ја отфрли идејата дека чизмите се шега. Тие само продолжија да си играат со естетиката на грдото и непрактичното, како што тоа го правеа порано модните куќи Баленсијага или Александар Меквин.
Благодарение на инфлуенсерите, чизмите веќе стануваат вирални, а нивната цена е 350 долари.
Пар големи црвени чизми пристигнаа на прагот на Стив Нат (25), Јутјубер во Филаделфија. Веднаш ги испроба за својата публика.
„Се обидов да одам во нив, дури се обидов да скокнам во нив“, рече тој и додаде дека чизмите навистина прават да се чувствува како лик од цртан филм.
