Финскиот телекомуникацики гигант „Нокиа“ соопшти дека планира да отпушти меѓу 9.000 и 14.000 вработени со цел да ги намали трошоците и да ја зголеми оперативната ефикасност.
Тоа би значело намалување на работната сила од 10 до 16%, на околу 72.000 од околу 86.000 вработени колку што има сега.
Одлуката е дел од стратешкиот и оперативниот план кој има за цел да ја репозиционира компанијата во иднина и да и го олесни надминувањето на сегашната неизвесност на пазарот и да го зајакне нејзиното технолошко лидерство.
– Cloud услугите и револуцијата на вештачката интелигенција нема да се материјализираат без значителни инвестиции во мрежи кои имаат далеку поголеми можности. Сепак, иако е неизвесно кога пазарот ќе закрепне, ние не одолговлекуваме, туку преземаме решителни мерки на три нивоа: стратешки, оперативни и трошоци – изајви извршниот директор на „Нокиа“ Пека Лундмарк.
Информацијата за укинување на работни места дојде по лошите резултати на компанијата годинава. Во третиот квартал компанијата забележа пад на нето-продажбите од 20% на 4,9 милијарди евра и 75% пад на заработката по акција на 0,02 евра.
